Mogalammakapa! Ke letshego tota!
Motsing ka ikutlwa bonna
Ka batla yoo ka mpesetsang mmadikota
E le fa ke rata a itise le nna

Maikutlo a ile magoletsa
Sehuba ka rata go ipetsa
Ka roma bagolo ba eme
Ba kgweetsa dikgomo ka seme

A di ye! Kgomo ke tsa bogadi
Tsa ya go mpatlela mosadi
Teng gone ke mo ratile
Ka tlhwaafalo ke mo letile

Ruri ka bakwena ba ntsetse!
Ka bonako mosadi ke monyetse
Ke mosadi o ntsholetse thari
Ee! Ke itlhaganetse ka se nne thari

Gompieno ke itsholetse
Ka rre molekane ke mmone
Tsa botshelo o di ntsholetse
Ka mabogo ke mosadi tshwene