Layout 30

Diane

Diane ke dipolelo tse di tlhamilweng ke motlapele ka kelotlhoko e kgolo le maroka a a se nang go lekannwa. Maitlhomo a diane ke go ruta le go gakolola.

Seane	Tlhaloso ya Sona
Ngwana wa mosetsana metsi a kgalaopa, o nowa ke bafeta ka tsela	Ngwana wa mosetsana a ka nyalwa ke monna mongwe le mongwe
Ngwana yo o tlhogokgolo o sira rraagwe	Fa ngwana a sena maitseo o senya batsadi leina
Ngwana wa bodikgomo ithute molodi, o gople motlhang malata a tsamaya	Ngwana o tshwanetse go ithuta botshelo batsadi ba sa ntse ba tshela
Ngwanan o anya mmaagwe a sule	Ga ntsi ngwana ga a bone mathata a batsadi
Bana mamporwana maatlhamelababolai	Bana ba utlwelela mongwe le mongwe mmogo le babolai
Bana ba tadi ba bonwa ka mereto	Batho ba e leng ba setlhopa ba itsane ka mebala kgotsa mekgwa
Maraganateng a bana bam pa ga a tsenwe	O se ka wa itlwaetsa go tsenatsena ntwa ya bana ba motho, kwa morago di ka sala le wena
Mafura a ngwana ke go rongwa	Ngwana o tshwanetse go nna maoto a batsadi ntle le go duelwa
Mmangwana o tshwara thipa ka fa bogaleng	Mmangwana o kgona go itshokela mathata a ngwana
Mosadi mooka o nya le mariga	Gantsi mosadi o na le maano a botshelo
Mosadi tshwene o jewa mabogo	Mosadi o itsege ka diatla/go dira
Mosadi ntshwa o okwa ka lerapo	Mosadi o itumelela go direlwa
Mosadi podi o jewa leleme	Mosadi o bua thata
Monna tau o jewa marota	Monna o itshupa ka maatla
Bana gab a na thwadi, ba bonwe ke mmamariga	Gantsi banna gab a rwalalele thoto/mofago jaaka basadi
Monna theko thekelele ya mafura, e a re o re thee	Mosadi o tshwanetse go tlhokomela lerato la monna gore a se ke a fapoga
Motho ga a itsewe e se naga	Motho o na le mekgwa e e fapaneng
Motho kgwele ya pula, o boswa a bofologa	Motho o na le go fetoga gantsi
Bodiba ba motho ga bo tshwe bo lebilwe	Motho ga a ke a tlogelwa fela go swa, le fa Tshepo e sa bonale.
Poo e patwa ka letshwagolo	Modipa o kgonwa motlhang a le mo mathateng/bokoweng
Poo e sa bopang motlhapeng, e fagolelwa thoteng	Motho yo o ngongoregelang sephiring, mathata a gagwe a felela phefong
Poo go bewa ya Kgomo, ya motho e ya ipaya	Go tswa mo mothong gore o batla go nna eng mo botshelong
(Dipoo) Ga di ke di bopa dile pedi ka mo sakeng	Marena/Balaodi gab a ke ba nna babedi mo tulong e le ngwe
Poo ya bogwe e tlhaba naka le iname	Ka gale motho ga a bone wa gaabo molato
Kgomo e tshwarwa ka dinaka, motho ka leleme	Motho gantsi o ipofa ka dipuo tsa gagwe
Mogadimadikgomo tsa mafias, o gama a gadimile	Fa o adimile sengwe ga o se dirise ka phutologo
Tsa etelelwa ke e namagadi pele di wela ka lengope	Mosadi ga a na bokgoni ba boeteledipele
Dikgomo go tlhabana tsa lesaka	Batho go lwa bao ba nnang mmogo
Lebitla la Kgomo ke mpa	Kgomo ga e latlhiwe
Ditau tsa tlhoka seboka, di siiwa ken are e tlhotsa	Batho fa ba ka tlhoka kutlwano, ba ka palelwa ke tsotlhe
Tau ga e ke e ja ngwana e sa mo tsala	Gantsi motho o thusiwa ke wa gaabo
Phokojwe go tshela yo o dithetsenyana	Motho o tshwanetse go dira gore a tshele
Phokojwe wa motsetsi ga a na boa ba mpa	Bana ba tshwarisa batsadi mathata
Phokojwe fa a tenwa ke mosima, o o tsena ka morago	Motho fa a lapisitswe ke sengwe, o a se senya
Tshwenyana e e boa bo ntlha, e a ikilela	Motho yo o gantsi a welang mo mathateng, o tshwanetse go itlhokomela
Tshwene ga e ipone makopo	Motho ga a ke a bona diphoso tsa gagwe
Nakedi ga e ke e re ke a nkga	Motho ga a ke a ipua bobe
Go thanya lomapo lo le tsebeng	Go lemoga o setse o tsene mo mathateng
Kgomo mogala tshwara ka thata e se re o utlwa sebodu wa kgoaga	Tswela pele ka maikaelelo a gago, bogolo jang fa go le thata
Tau e iputha metlhala e le nosi	Motho a ka sengwa leina ke bana
E maswi ga e itsale	Katlego ga e tsalelwe
Sedikwa ke ntswa pedi ga se thata	Tirisano mmogo e dira tiro e kgolo
Kgetsi ya tsie e kgonwa ka go tshwaraganelwa	Tirisano mmogo e dira tiro e kgolo
Nonyane e e mephuphutomebe e ipatlha ka diphuka tsa yona	Mekgwa ya motho e mo tsenya mo mathateng
Molaya kgosi wa itaela	Go rera bosula ka mongwe ke go itherela bosula
O se bone majwe go katogana, bosigo a etelena	Dikamano tsa batho e na le go nna sephiri
O se bone thola borethe, teng ga yone go a baba	Bontle ba popego ya motho ga bo re kaele bontle jwa botho ba gagwe
Moremogolo go betlwa ga taola wa motho wa ipetla	Motho nna seo a batlang go sona
Motho ga itsiwe e se naga	Motho o ka se mo itse
Seboba re photha sa mokwatla sa mpa ra mpampetsa	Ba losika re a ba tlhokomela